Ye raat..
Din me jin pannon ko palatkar andekha kar jaate hain, raat me vahi pannon ke lafz palken bhiga deti hain.. Nazron se kahin door basi khushiyon ki yaad dila jaati hain ye raatein, Na jaane kya kya chhipakar rakhti hain ye andher ki ghatayen, Jo din me kabhi bahar nahi aate, bas intezar karte hain sooraj ke sone ka.. Fir aise raaz khulte hain jo shayad hi kisine socha ho.. Andaz kuch alag sa nikharne jo lagta hai, fir karwaten bhi karwaten le jaati hain.. Par kuch baat zarur hai in sooni raaton me, thande pattharon me bhi kahin ye aag jaga jaati hai..